في ليلة دخلتي على مراتي الجديدة كامله بقلم عبد الفتاح

وفي نفس الوقت كنت طالب منه يطقس عن كل حياته وحواراته ويجيبلي تقرير مفصل عنه..
ويومها بردو كنت موصي واحدة من النسوان اللي بتخد مني شغل من سنين السنين وبتفرش بيه في السويقة إنها تروح لجوز النسوان والراجل الدجال بتوع السحر والأعمال في البلد وتراضيهم وتعرفلي منهم ان كان حد عمل سـحړ لرباب ولو كان في،، فهو مين ومن طرف مين...

انا لما وصيّتها تسأل إن كان حد عمل لرباب سـحړ ولا لا،، بدأت الأول تطقس في السويقة عن أخبار رباب وأمها،، ما هي أم رباب كان ليها فرش خضار هي كمان،، ورباب بنتها احيان كتير كانت بتقعد معاها وكانوا بييجوا يتسوقوا من عندي من الوكالة لغاية ما خليتهم يبطلوا يفرشوا لما خطبت رباب...