قصه حب مر كامله
فى البيت طيب انا رنيت والله يابنى كتير اوى اوى وكلمت سهى صحبتها قالتلى انها نزلت وسبتك معاها بس ندى مكلمتنيش زى كل يوم تطمن عليا قبل ماتنام ولا
حتى بترد عليا طمنى عليها يابنى بنتى فيها حاجه عمرها ما اتأخرت عليا ابدا.
عمر بړعب وقلق وقام يجرى من مكانه..طيب انا هروح البيت دلوقتى وهكلمك اول ما اوصل واخليكى تكلميها يمكن يكون فى مشكله فى التليفونات ولا حاجه.
عمر وهو يتحرك بسيارته حاضر اطمنى انا رايحلها فى
الطريق سلام دلوقتى..اغلق هاتفه وحاول يتصل برقم ندى اكتر من مره بس مردتش ودا مش طبعها ابدا من اول رنه او التانيه بترد عليه على طول ليحدث نفسه بړعب ردى يا ندى بتوجعى قلبى زياده ..ليسرع اكثر بسيارته حتى وصل امام العماره اخيرا غافلا عن سياره والديه التى تتبعه منذ خروجه سريعا من امامهم حتى انه لم ينتبه لوجود والدته.
نجلاء احنا هنقعد هنا نقول ممكن ويمكن انزل ياشهاب خلينا نطلع ورا الواد شكله ميطمنش ابدا..
شهاب انتى هتطلعى معايا.
نجلاء ايوه هطلع ابنك محتاجنى وانا كمان محتاجه يسامحنى مش هخاف من المواجهه تانى ..انت عارف هما فى انى دور ولا نسأل البواب.
اخيرا وصل امام باب الشقه يحاول فتحه وهو حقا يرتجف پعنف دخل مندفع يبحث عنها وقلبه يكاد يتوقف من شده دقاته حتى وقعت عينه عليها تتمدد على الارض بمكان ما دفعها من اعلى الكرسيى اقترب منها وهو ېصرخ اسمها بفزع وړعب حقيقى يشعر به لثانى مره بحياته فكانت اول مره شعر به عندما تركته والدته ورحلت والأن يرى معشوقة روحه فاقده الوعى امام عينه العاشقه لها ويا للقلب الذى ېتمزق خوفا وألما فهو وراء اغمائها بكل تأكيد اقترب منها ورفعها من خصرها بين يديه ويتحدث بدموع منهمره.
انا حامل!!!!
حامل امممممم مبروك....
واه قبل ما انسى والفرحه تاخدك اوى انتى طالق!!!!!!!
دا كان رد جوزى على خبر حملى...
حكايتى معقده شويه بس فيها عبره وعظه اتمنى انها تفيدكم
بدأت حكايتى لما ناويت انزل اشتغل اساعد بابا على مصاريف علاج ماما اشتغلت فى مول كبير اوى شامل كافه شئ وقفت فى قسم المخلل...
كان الاول الكل مستغرب ازاى واقفه ابيع مخلل مش فاهمه ايه المشكله انا رضيت وقولت الحمد لله خصوصا ان مرتبها حلو جدا بس تعب اوى بفضل واقفه 12 ساعه ممنوع اقعد خالص كل ست ساعات باخد ربع ساعه راحه اصلى واكل وارجع تانى بسرعه الدقيقه بخصم يوم كامل دخلت اوضه اللبس ولبست اليونيفورم وانا خارجه خبطت فى بنت ڠصب عنى.
البنت ولا يهمك انا اللى مستعجله انتى فى قسم ايه انا اول مره اشوفك هنا..
ندى انا لسه جديده دا اول يوم ليا.
البنت اه علشان كده انا برضو بقول انا مشوفتش القمر دا قبل كده انا سهى شغاله هنا من قريب برضو مكملتش شهر بس ماشاء الله عليكى اليونيفورم يجنن عليكى.... الله ايه دا انتى احمريتى كده ليه بتتكسفى منى وانا بنت امال هتعملى ايه فى اللى هتشوفيهم بره لا اجمدى كده دا انتى تتاكلى هنا انتى اسمك ايه و فى قسم ايه اكيد اتعينتى فى قسم المجوهرات.
ندى ههههههههه مجوهرات هو فى هنا قسم للمجوهرات كمان ماشاء الله لا انا اتعينت فى قسم المخلل الحمد لله اوى واسمى ندى.
سهى اييييييه مخلل ايه بس بحلوتك دى ماشاء الله عليكى والله يابنتى مش بحسدك بس اصل هنا بيختارو الحلوين
اوى اللى زيك كده وبيعينوهم يا فى قسم المجوهرات يا فى قسم الملابس الرجالى وانا متنمناش لاى بنت تقف فى قسم الرجالى دا حاسه انو يشبه اى واحده رغم انى مشتغلتش فيه فقولت اكيد انتى هتكونى فى المجوهرات.
ندى اكيد بيحتاجو وسطه جامده علشان يوصلو لقسم بالفخامه الكبيره دى وبعدين هو قسم المخلل يعنى وحش دا الجزء اللى انا واقفه فيه مخصص للزيتون بس اكبر من بتنا كلو ههههههه ويله البسى انتى كمان فاضل 10دقايق ونخرج نستلم.
سهى اه عندك حق استنى خليكى معايا على ما البس بصى انا ارتحتلك اوى وشكلنا هنبقى اصحاب انا فى قسم لعب الاطفال ومتخفيش قسم المخلل مش بيكون زحمه ربنا بيحبك بس خلى بالك كل المكان متراقب على اعلى مستوى وصاحب المكان وولاده دايما موجودين وساعات بيمرو بنفسهم واى حد مش بيشوف شغلو بيمشوه فورا هما جد اوى اوى فى الشغل.
ندى شكرا ياسهى على نصحتك وربنا معايا ومعاكى انا هروح استلم شغلى ونتقابل فى الراحه ان شاء الله...... خرجت روحت على القسم بتاعى وسميت الله ووقفت مكانى وبدأ الشغل وقولت الحمد لله ان مبيبقاش فى زحمه اوى على القسم اللى واقفه فيه لكن فجأه بدأ المكان عندى يزدحم شويه بشويه بس قدرت انظم اللى واقفين وبدات امشى بالدور بعد ما وقفتهم فى طابور عدت الايام علاقتى بسهى بقت اقوى خصوصا انها تقريبا نفس سنى وكمان تعتبر نفس ظروفى لكن هى معاها دبلوم وباباها متوفى وعايشه مع مامتها واخوتها بنتين لسه فى اعدادى وابتدائى وهى اللى بتصرف عليهم وبقينا نروح ونيجى مع بعض بس الغريبه ان كل يوم بقى على القسم بتاعى زحمه اوى اوى لدرجه كل اللى فى المول مستغربها حتى سهى!!!
سهى ندى خلى بالك كل اللى فى المول واخد باله من الزحمه اللى بقت على القسم عندك وخصوصا ان الزحمه كلها رجاله ومعظمهم شباب لا وايه كمان فى منهم بياخد المخلل ويقف فى الطابور تانى!!!
ندى انا عارفه ان الزحمه بتزيد بس اول مره اعرف ان فى حد بياخد ويقف ياخد تانى انا مش ببص فى وشوش الناس اصلا باخد الورقه من ايديهم وبعبى اللى مكتوب وبديهلهم وبس وبعدين مش الزحمه دى حاجه كويسه والمشرفه قالتلى برافو عليكى انتى شايفه شغلك تمام يبقى اخلى بالى من ايه ياسهى واللى واخد باله دا واخد باله من ايه فسرى كلامك
سهى حبيبتى والله مااقصد ازعلك انا بس بنبهك ان العين بقت عليكى فخلى بالك لان اللى بيرجع تانى دا اكيد عايز يعاكس او يتعرف عليكى فأوعى حد من اللى بيشترى يديكى رقمه او يحاول يكلمك دى فيها رفد خلى بالك من نفسك وبس دا كل قصدى.
ندى ماشى ياسهى يله خلينا نستلم شغلنا...... خرجت على القسم بتاعى اللى فعلا اول مره اخد بالى ان كل الزحمه اللى عليه معظمهم رجاله واتفجأت
