الجزء الثالث والاخير بقلم يارا رشدي

الي فادي 
هفكر يا نيره علشان خاطرك حاضر
طبعت قبله علي خديه وهي تقول 
هتفكر وهتوافق اتفقنا !
ابتسم لها لتقول نيره 
انا هخرج اتمشي شويه وارجع ممكن 
_ ايوه طبعا ممكن وهي دي عايزه كلام ده انا بقالي سنين بتحايل عليكي تخرجي تغيري جو
____________________
خرجت والدموع تسقط علي وحنتيها ..
الجميع حياته تسير ماعدا هي حتي فادي سيتزوج الفتاه التي يحبها كما اخبرها حازم من قبل ..

جميعهم حياتهم تسير اما هي تقف في مكانها كما هي لا يوجد اي شئ يحدث في حياتها ..
_ نيره 
قالها بلهفه واضحه وهو يهبط من السياره لتقول نيره وهي تمحو دموعها 
انت واقف هنا بتعمل ايه !!
_ يا شيخه حرام عليكي ايه مبتخرجيش خالص كل يوم اجي اقف ساعتين اقول يمكن تخرج تبص من بلكونه اي حاجه وانتي ولا هنا حتي الفيس عملتيلي بلوك هو طلب الصداقه بتاعي ضايقك 
_ عايز ايه يعني مش فاهمه !
وضع يديه في جيب بنطاله وهو يقول 
ابدا كنت عايز اتكلم معاكي ونتعرف اكتر علي بعض
_ اااه نتعرف علي بعض وشويه وتقولي بحبك يا نيره ومش قادر اعيش من غيرك وتاخد حقك من ريم علي قفايا
_ بحبك ايه وحقي ايه الي اخده منك انتي بتسمعي افلام عربي كتير ولا ايه !
_ ما هو اسمع بقي انا معنديش حاجه اخسرها كل حاجه خسرتها حقك من ريم خده منها ملكش دعوه بيا انا مش مكتوب عليا احاسب علي مشاريب غيري حرام عليكم والله حرام عليكم
قالت جملتها الاخيره بانيهار وهي تبكي ليقول حسام 
ياالله في ايه يا نيره انا والله كنت عايز نكمل كلامنا عادي انتي مش قبل ما تنزلي قولتيلي فرصه سعيده انك عرفتيني يعني بقينا صحاب
اخرج المناشف الورقيه من جيب بنطاله وناولها اياها وهو يقول 
انا اسف اسف مكنتش اعرف انك هتحسبيها كده واني عايز انتقم منك في ريم مش عارف انتي دماغك بتفكر ازاي اصلا بس انا مش عيل علشان اخدك بذنب اختك وافكر انتقم منك بسببها .. واساسا ريم طلعت من حياتي اول ما اتجوزت اكيد يعني مش هفكر ولا هحب واحده متجوزه واسف مره تانيه خدي المناديل
تناولت منه المناشف الورقيه وقامت بمحو دموعها ليقول حسام 
همشي انا بقي وياريت متزعليش مني
استدار سليم لامام واتجهه الي سيارته لتقول نيره 
انا عايزه اكل السندوتشات الي جبتهالي قبل كده بس مش فاكره المطعم فين واياك تفكر تحطلي منوم
ضحك وهو يلتفت اليها قائلا 
ياادي دماغك دي
_______________________
وها هي تقوم بتناول الطعام وحسام بجانبها يتناول هو الاخر ويقول 
اربع سنين منزلتيش حاجه علي صفحتك عملتيها ازاي دي انا قولت يمكن دي صفحتك القديمه ولا حاجه وعندك واحده تانيه جديده
_ الي بينزل حاجه علي فيس بتاعه بينزلها علشان صحابه وقرايبه واهله يشوفوها ويعلقوا وهو يرد عليهم اما انا معنديش حد لا قرايب ولا اهل ولا صحاب انسانه كده عايشه لوحدها في كل حاجه علي سوشيال ميديا وعلي الواقع
_ علاقتك مش كويسه بعمك وولاده انا اعرف ان عنده ولدين
_ كانت كويسه بس دلوقتي مليش علاقه غير بعمو وطنط لكن هما لا
_ والسبب يعني 
تنهدت وهي تترك طعامها 
كل واحد فينا باصص لتاني بتفكيره هو انا شايفهم دمروا حياتي وهما شايفين اني انا الي عملت كده في نفسي
_ طب ما تكسبي فيا ثواب وتسيبك من الالغاز الي بتكلميني بيها دي وفهميني
ضحكت وهي تسند يديها علي تابلوه السياره 
لو عرفت مش هتخليني قاعده في عربيتك ثانيه واحده
_ لا احكي ومټخافيش هخليكي في العربيه
نظرت طويلآ الي حسام وهي تفكر فيما تفعله هل هي ترتكب خطاء اخر مثل ما فعلت مع حازم !!
انتهبت علي صوته وهو يقول 
هيييه سرحتي فين
فهتفت 
انا زمان اتعرفت علي واحد يعني كان صاحب فادي ابن عمي وطلب رقمي كنت صغيره في ثانويه عامه مفكرتش صح وفي الاخر طلع واحد بيتسلي قعد يلعب عليا بكلام الحب وخاېفه اكون بكرر نفس الغلطه دي دلوقتي بكلامي معاك وقعدتنا دي
فهم ما يدور في عقلها فهتف هو 
انا مطلعتش مني اي كلمه بخصوص حب ولا اعجاب علشان تفكري فيا كده
_ ممكن تكون ناوي تطلعه قدام عادي يعني
حرك راسه بنفي وهو يقول 
لا مش ناوي مټخافيش ولو طلع مني في يوم كلام بتاع حب هيكون من قلبي بجد مش تسليه وفي نفس اليوم هكون طالب ايدك من عمك ده لووو لوو يعني
صړخت به وهي تعتدل في جلستها 
اهو شوفت نفس كلام حازم هطلب ايدك من عمك وبكره هتلاقيني عندك بطلب ايدك وفي ايدي بوكيه ورد نفس الكلام بحذفيرو حذفوره حذفوره يعني ناوي تاخد حقك من ريم فيا!!!
_ يالهووي عليا وعلي سنيني ريم ايه انا بقولك لو لو وبعدين انا فين كلمه بوكيه الورد الي قولتها دي انتي هتالفي !!!
_ لا مفيش لو علاقتك بيا ابعد عنها اي حاجه تخص الحب وخطوبه لان انا منفعش للكلام ده لا معاك ولا مع غيرك
_ ليه مش بنت زي بقيت البنات اكيد هيجي يوم تحبي ووتتحبي وتجوزي كمان
_ لا انا مش بنت بص اجبلك من الاخر علشان نبقي واضحين مع بعض انا روحت لحازم الي هو صاحب فادي ده بيته روحتله برجلي وبارداتي فهمني انه تعبان وانا كواحده عندها 18 سنه صدقته وروحتله وحصل الي حصل بينا غلطه غلطه غلطها معرفش ازاي
وعندما وجدت صمته ذلك هتفت 
عرفت بقي انك لو عرفت مش هتخليني في العربيه ثانيه واحده ...
قالتها ثم قامت بفتح باب السياره حتي ترحل ولكنها توقفت عندما منعها وهو يمد يديه ويغلق باب السياره 
انتي بتخترعي من دماغك وخلاص وامسكي كملي الاكل بتاعك ده
قالها وهو يناولها قطعه الخبز لتنظر له نيره باستغراب واضح برغم انها اخبرته القصه مختلفه الا انه لم يفعل مثلهم .. لم يخبرها اي شئ .. هو مختلف عنهم مختلف عن سليم وفادي ومازن مختلف عن الجميع ليس مثلهم !!!!!
هو انت دلوقتي شايفني واحده مش كويسه صح 
اوقف سياره والټفت اليها هاتفآ 
انا فاهم كميه الاسئله الي في دماغك بصي يا نيره انا مليش الحق اتكلم معاكي في الموضوع ده اصلا ولا انتي كان مفروض تقوليه ليا ولا تقوليه ل اي حد اصلا وعلي فكره غلطتك دي مش بسيطه كده انك تتكلمي عنها الي حصل ده يعتبر ژنا وعقابه كبير اووي عند ربنا في الدنيا والاخره ولو متعرفيش اكتبي عقاپ الژنا ايه واعرفي ..
ضغطت علي يديها وهي تقول 
ربنا عالم ان الي حصل كان ڠصب عني مليش ايد فيه
_ ڠصب عنك ازاي انتي روحتيله برجلك بيته
_ ماشي روحت برجلي وكل حاجه بس هو ڠصب عليا اشرب وانا شربت لحد ما سكرت ومحستش بحاجه بعد كده
_ وادي كارثه تاني شربتي خمره ودي من ام الكبائر وربنا ميقبلش منك صلاه لمده اربعين يوم يعني كل حاجه ربنا حرمها انتي عملتيها
اجابته بدفاع 
علي فكره فادي بيشرب عادي وبيشرب