عشريني متخصص أرامل جميع الفصول كامله بقلم الكاتبة هويدا زغلول

ادهم _ انا مش عارف انتي واخده مني موقف ليه مع اني انا واقف معاكي ومع مامتك علشان خاطر اجيب حق باباكي من عمتك
ملك _ بقولك ايه انا عارفه ان انت كذاب ووراك حاجه كبيره بس ايه هي مش عارفه بس مسيري هعرفها
ادهم _ بكره تتاكدي ان انا مظلوم وما ليش دعوه باي حاجه بتحصل بالعكس انا بقف جنب الناس اللي بتحتاجني اساعده
ملك _ وانا عايزه اسالك سؤال انت سنك مجابش ال 30 دي كل واحده تتجوزها تكون كبيره عنك
ادهم _ طيب ممكن ناجل السؤال ده لبعدين
بجد انا عايزك تعرفني اكتر.وهتتاكدي انا
انا مش انسان وحش
ملك _ انا كل اللي يربطني بيك دلوقتي ماما وبس مش اكتر من كده واحسنك ما تجربش تتكلم معايا، وبعدها سبته ودخلت الفيلا

لقيت ماما قاعده
ملك _ ماما انت كويسه انتي مالك عامله كده ليه هو الراجل ده عمل فيكي حاجه
الام_ ابوكي عايش يا ملك ابوكي ما راحش
ملك _ ايه يا ماما الكلام اللي انت بتقوليه ده ما انت كنت بنفسك معاه في المستشفى ومش سبتيه لحد ما خلصه كل الاجراءات
الام _ اسمعي الكلام يا ملك انا عايزاكي تراقبي البيت هنا فيه حاجه غلط بتحصل
ملك _ وهو انت بس لسه ملاحظه دلوقتي ان في حاجه غلط بتحصل
الام _ ارجوكي أنا مش ناقصه كلامك
ده حاولي تكوني جمبي ارجوكي
ملك _ حاضر يا ماما انا هروح البيت
اجيب شويه حاجات واخد اجازه من شغلي علشان
اجي اقعد معاكي هنا
الام _ ياريت متتاخريش عليا وبعدها مشيت
ودخل ادهم

ادهم _ عايزه بنتك تراقب البيت ليه بقى
الام _ ايه ده هو في ايه هو انت كنت واقف تتصنت علينا ولا ايه بصراحه كده انا حاسه
اه فيه حاجه غريبه
ادهم _ ليه كده استعجلتي على الحساب بدري قوي مع اني ما كنتش عايزه احاسبك دلوقتي
بس انتي اللي جبتي لنفسك بقي
الام _ هو فيه اي بالظبط أنا مش فاهمه
حاجه وبعدها راح قفل الباب ورجع
وقالها اكيد مش خدي بالك من اسمي
كويس ساعت كتب الكتاب صح
انا اسمي ادهم محروس الطحاوي
وفي الوقت ده ماما قامت وقفت جوزك القديم فاكره ولا لا، وفي الوقت ده ماما قامت وقفت

وقالت
الام _ لا لا انت اكيد كداي محروس اصلا مخلفش لانه ماتجوزش غيري
ادهم _ مين قالك انتي فاكره أن كل
الناس قليله الأصل زيك وبدأت
ماما تفتكر اللي حصل زمان ايام ما
كانت متجوزه محروس وبابا كان
شغال عندهم وبابا راح شقتهم
وفتحت ماما
$فلاش باك
الام _ مين سيد تعال ادخل اتفضل ثواني اجيبلك المفتاح من جوه علشان تفتح المحل معلش تعبينك الفتره دي
سيد _ تعبك روحي يا ست الكل ربنا يشفي لك محروس ويقومه ليكي بالسلامه
الام _ يا رب يا سيد والله كل دكتور بيجي بيقول كلام يسد نفسنا ويمشي ربنا يقومه بالسلامه
سيد _ انا سمعت ان محروس عايز يكتب المحل باسمك هو الكلام ده صحيح
الام _ والله انا عماله اقوله لا عمال يقولي لازم اعمل كده انا خايف يجرلي حاجه اخواتي ياخدوا منك المحل وكل حاجه عشان انت عارف ان احنا ما عندناش عيال
سيد _ عنده حق يا ست الكل انتي لازم تامني مستقبلك برده انتي مش عارفه اخواته عاملين ازاي
الام _ والله يا سيد انا مش طمعانه في اي حاجه المهم يقوملي بالسلامه وبس
سيد _ روحي بصي لنفسك في المرايه انت واضح ان انتي اصغر منه بكثير هو انتي ليه مستحمله كده