العوض

ما أنا كمان مطلق من سنة على فكرة وكنت قفلت على فكرة الجواز لكن لما شوفتك حسيت أنت اللي هتعوضيني على كل اللي فات وأهلي متوفين وأراج قلوب المتعبين برؤيتها ولقيت القبول في ملامحك والبراءة وكمان أنا شوفت نظرة الحزن اللي في عينك حسيت إننا هنكون عوض لبعض على اللي شوفناه في الماضي عايزين نقطع اللي فات ونبدأ من جديد إيدنا في ايد بعض ندعم بعض ونهون على بعض ها موافقة

فريده بس أنا مش عايزه أسيب أمي لوحدها أو أبعتها دار مسنين
خالد ومين قالك إني هقولك اعملي كدا أو مش هتقبها في حياتنا أنا مجرب فقد الأهل وما صدقت لقيت أم طيبة زيها أكيد هتعاملني كأني ابنها
فريده طليقي قالي كدا لما جه اتقدلي وأنا اطلقت منه عشان خيرني بينه وبين أمه
خالد تعرفي أنت فعلا فريدة
من نوعك قليل جدا لما تلاقي حد بار بأهله وأنا مش هسيبك وهتكوني ليا ومامتك بقت مامتي ما أنا مش لما ألاقي عيلة وأم تانية وأفرط فيهم أبقى مچنون ويلا شوفي الشاي أنتي بتحرقيه جوا ولا إيه خلينا نقرأ الفتحة وننزل نجيب الدهب بكرة اللي يعجبك
كانوا فرحنين حست في كلامه الصدق طالع من قلبه قبل بوقه
وفات شهر وكانت فريده متجوزة خالد ووالدتها عايشة معهم وكأن بيعملها كأنها والدته بجد مش حماته ودا كان مفرحها جدا وكانت هتندم لو موافقتش
جه من وراها وقال بيبتي سرحنة في إيه
فريده فيك بجد بشكرك على معاملتك الحلوة واللطيفة لأمي
خپطها في كتفها براحة وقال دي أمي يا فريده ودا واجبي تجاهها من يوم ما دخلت بيتكم وهى بقت أمي
فريده بدموع ربنا يحفظك لينا
خالد ويحفظك لينا يا حبيبتي أنت عوضتيني عن فقدان عيلتي قدمتيلي الحنان والحب
فريده ربنا جعلنا في طريق بعض عشان نعوض بعض عوض ربنا جميل أوي ودا اللي كنت واثقة منه إن ربنا هيعوضني أجمل عوض هينسيني كل اللي شوفته زمان وابتسملها بيأكد على كلامها