تكمله رواية ايه الصوت الزغاريط دى _ بقلم سولييه نصار _ الفصل الثانى والاخير
قولناها انا ومريم في صوت واحد.
ضحك حسام بتوتر وقال بصوت واطي:
-يخربيت ابوكم ودتوني في داهية...
بعدين كمل وقال:
-عمي حبيب قلبي انا لازم امشي دلوقتي
وكان هيمشي
مسكه بابا وقال:
-رايح لامي تدورلي على عروسة بدل المعتوهة اللي انا اتدبست فيها دي
-اقعد يا حسام لازم نتكلم....
قعدنا كلنا وقعدت وانا مكسوفة...حسيت بنظرات عصام عليا بس تجاهلته....كنت متضايقة منه بسببه هو انا دخلت المسرحية السخيفة دي واهو اتفضحت !!
بصتله بتعب وقولت:
-عايز تعرف ايه يا بابا
-كل حاجة يا حبيبتي...كل حاجة ليه عملتي كده يا رحاب ليه لعبتي اللعبة السخيفة دي ؟!
عيوني دمعت وبصيت لعصام وحكيت كل حاجة !!!
........
جه بابا وقعد جمبي وطبطب عليا وقال:
- انتي غلطتي يا رحاب...غلطتي لما كدبتي مفيش مبرر انك تكدبي بالشكل ده
-أسفة يا بابا
بس بابا لعصام وقاله ببرود:
-وانت غلطت يا عصام بنتي مش بايرة لو عايزة هتتجوز اللي احسن منك...وانا عمري ما افرض بنتي عليك اللي اجوزه بنتي لازم يخبط علي بابي واتأكد الاول انه جدير بيها لولا ما اديهاله..
ابتسمت مريم وقالت:
-كده احنا متصافين يا حاج صح ؟!
-ايوة يا مريم بس بشرط
-اشرط يا عم الناس
-مدخليش نفسك ولا خطيبك في لعبة زي كده مش فردة شراب هو!!حافظي عليه ممكن يضيع منك
-عمي عمي
-خير يا حسام
-قولها تعاملني كويس
-عامليه كويس
-حاضر يا عمي
- يا عمي يا عمي
-عايز ايه تاني
