روايه ايه صوت الزغاريط
-انا مخونتكيش افهمي.....عصام مش بتاعك ولا ملكك يا رحاب فوقي هو محبكيش لو كان
حبك كنت بعدت عشان انا بفضلك حتي عن نفسي لكن هو حبني انا وانتي لو صديقة حقيقية تفرحيلي...
كنتي هتعملي ايه لو مكاني..
دموعي نزلت وانا بقول بحزن:
-لو مكانك عمري ما هخونك حتي لو عشقني كنت هبعد عشان مكسرش قلبك...
-مبروك يا لميس...بس متتوقعيش اننا نبقي اصحاب بعد اليوم....
.........
روحت علي البيت وسمعت صوت خناقة جوا بيت عمتي والباب كان مفتوح..
-يا ماما انا مبحبش رحاب...دي زي. اختي معقول اتجوزها
-حرام عليك تكس-ر قلب بنت خالك
ان-قهرت حسيتهم بيعاملوني علي أساس اني بايرة
دخلت البيت ووقفت قدامهم وقولت:
- لا يا ابن عمتي الكلام ده غلط انا لا حبيتك ولا نيلة ومفيش داعي تشوفلي عريس لان في الأساس فيه واحد زميلي في الشغل هيتقدملي!!!!
دخلت اوضتي وانا بلف حوالين نفسي والطم...يالهووي هعمل ايه في المص-يبة دي...ومن فين اجيب عريس عشان احفظ كرامتي...يخربيت غبائي جايبني لورا...قعدت علي السرير وانا
بعيط وبفكر هعمل ايه في المص-يبة دي !!!
........
قالها عصام بدهشة فردت مامته:
-ومتصدقش ليه إن شاء الله هي بنت خالك وح-شة ولا وح-شة...انا كان نفسي تتجوزها وتبقي من نصيبك بس. انت عيل فقري...
-اعمل ايه محبتهاش
-عنك ما حبيتها اهو جه اللي هيخطفها منك وساعتها انت هتندم...انت بتوهم نفسك يا بني بحب لميس...انت مبتحبش لميس لو كنت بتحبها مكنتش اتهزيت لما رحاب قالتلك انها هتتجوز واحد تاني
-انتي اللي بقيتي تتوهمي حاجات كتير يا ماما...انا لوبحبها هرفض اتجوزها ليه
-معرفش كل اللي اعرفه إن البنت لما تضيع من ايديك هتندم اوووي يا بني
وبعدين سابته ومشيت وهو غرق في تفكيره..
هو متأكد انه مبيحبهاش بس ليه حس بالغيرة لما قالتله هتجوز...ليه حس انه نفسي يك-سر دماغ اللي هتتجوزه....الغيرة دي عمره ما حسها حتي لما لميس كانت بتقوله علي العرسان اللي بيجولها...غريب...حاول يطرد الأفكار دي من دماغه...رحاب اخته وبس ازاي يشوفها بشكل تاني وليه يغير عليها...هو مش بيغير ومفروض. ميكونش زعلان خلاص رحاب لقت اللي هيقدرها وهو مفروض ميحسش بالذن-ب...قعد وحط ايده علي ورأسه وسؤال جه في دماغي يا تري مين اللي عايز يتجوزها....وهي فعلا بتحبه هو مش عصام..
