حكايتي مع عمر الفصل الثاني كامل

وبينك عشان يبقى ذكرى لأول عيد ميلاد لحبيبتي بعد الجواز وأقدر اديكي هديتك واشوف رد فعلك من غير ناس ولا دوشة 
مريم انا مش عارفة اقول ايه اقسم بالله هعيط من الفرحة 
عمر يلا تعالي اوريكي هديتك 
نرجع للأحداث الأصلية 
كالعادة مسحت دموعها وقامت من ع الأرض وبدأت تعمل الحاجات المطلوبة منها وهي بتشتغل الباب خبط راحت تفتح ..

سارة لقيتك مبتسأليش قولت اجي أسأل انا 
مريم تعالي نقعد بقا ونتكلم براحتنا 
بعد ما قعدوا 
مريم جيتي في وقتك والله كنتي وحشاني جدا ومحتاجة أشوفك 
سارة والله انا لقيتك مبتسأليش وبصراحة انا كمان الفترة اللي فاتت كنت مسحولة في الجامعة عشان أول سنة بقا وبتعرف علي كل حاجة فقولت اجي أشوفك 
مريم خير ما عملتي استني أقوم أعمل حاجة نشربها 
سارة باستغراب وتركيز مريم ايه الچرح اللي في رقابتك دا !!
مريم بتعمل فلاش باك علي نفس اليوم الصبح عمر بيحاول وهي بتصوت وتفلفص وعشان يحاول يمسكها بالعافية  .. اتعورت 
مريم بتوتر تقريبا وانا نايمة حاجة قرصتني فقعدت اهرش فيها كتير لحد ما اتعورت 
سارة اممممم تمام 
تعالي هقف معاكي في المطبخ وانتي بتعملي النيسكافيه 
في المطبخ 
مريم طمنيني علي ماما كويسة وبتاخد ادويتها 
سارة كويسة مش ناقصها حاجة غير انها تشوفك 
مريم حا.. حاضر مانا أكيد هاجي طبعا 
سارة اكيد هاجي ايه يا مريم انتي بقالك كذا شهر بتقولي نفس الجملة ومبتجيش 
لولا انك كنتي بتجيلنا كتير اول كام شهر جواز كنا قولنا عليكي ما صدقتي تخلصي 
مريم لا والله بإذن الله هاجي قريب جدا 
سارة مريم انتي كويسة 
مريم ليه بتقولي كدا 
سارة وشك بهتان وعينيكي مغربة وشكلك زعلانة من حاجة لو محكيتيش ليا هتحكي لمين 
مريم بعد ما عينيها دمعت لا لا مفيش حاجة اكيد لو في أكيد هحكيلك انتي أول واحدة ياسارة 
ومن جواها ھموت
واحكيلك الکابوس اللي عايشاه يا سارة 
سارة ماشي يا مريم هسيبك براحتك واكيد في يوم هتقوليلي مالك
باب الشقة اتفتح اتوترت مريم وبصت ناحية الباب .. دخل عمر من الباب علي المطبخ 
اتلفتت سارة بصتله ازيك يا عمر 
عمر ..
لأسف لو مش لقيت تفااااعل حلووووو هوقفها