رواية عروسه للايجار بقلم هويدا زغلول كامله

ندي _ انا اسفه والله ان انا عملتلك مشاكل انا ما كانش قصدي خالص

عائشه _ وانتي مالك انتي بس يا حبيبتي مش عايزاكي تزعلي نفسك هو اللي راجل خرفان المهم هاتي تليفوني وكلمي مراد خليه يجيلي بكره عايزاه ضروري

ندي _ حاضر وتاني يوم فعلا جه مراد 
وكان قاعد مع عائشه

مراد _ خير يا حاج عرفت ان انتي عايزاني في حاجه ولا ايه

عائشه _ بقالك خمس سنين بتيجي وتديني مرتب في الشهر وانا ما اعرفش مين اللي بعتك وانت مش راضي تقول بس انا عايزه اطلب منك طلب كمان انا لو جرى ليا حاجه عايزاك تخلي بالك من البنت ندى

مراد _دي في عنيا يا حاجه عائشه بس هو حصل حاجه ولا ايه لو في اي موضوع انا اقدر اخلصه ليكي على طول

عائشه _ ما فيش اي حاجه بس اسمع كلامي بس البنت غلبانه وانا خايفه عليها بصراحه وهي ملهاش اي حد في الدنيا دي

مراد _ في عنيا يا حاجه المهم انا لازم امشي 
هتعوزي مني حاجه تانيه

عائشه _ مش ناوي تقول ليا برده مين اللي بعتك ليا ومين اللي بيديك الفلوس دي علشان تديها ليا

مراد _ هو انتي يا حاجه عايزه تضيعي ثواب ليه فلوس وبتجيلك من باب والله خلاص بقى
وبعدها مشي وخرجت انا

ندي _ والله العظيم انتي احن عليا من اهلي اللي رموني في الشارع وما اعرفوش عني حاجه لحد دلوقتي ربنا يخليكي ليا علي اللي بتعملي

عائشه _ عندي امل اللي بعمله معاكي  يترد لبنتي سهي ويهديها يا رب

ندي _ ايه دي يا حاجه هو انت ليكي بنت طيب هي راحت فين وليه مش قاعده معاكي متجوزه مش كده

عائشه _ لا مش متجوزه بس سابت البيت 
ومشيت بسبب الفقر كانت بصاه ل عيشه 
غير عشتها ربنا يهديها

ندي _ اللهم امين

وبعدها روح مراد شقه ودخل واقعد وقال

مراد _ مامتي كانت باعته ليا ولسه جاي من عندها دلوقتي وهي سابت السيجاره 
من ايديها وقالت.. يتبع👇

عروسه للايجار
الحلقه الثانيه
بقلم هويدا زغلول
سماح _ خير كانت عايزه فلوس تاني ولا اي 
خد فلوس وروح ايديها

مراد _ خالص مش عايزه اي فلوس دي كانت  بتوصيني على البنت اللي هي عندها

سماح  _ هي مين البنت دي وحكايتها ايه مع ماما بالظبط ومالها مهتمه بها كده ليه

مراد _ مش عارفه مامتك بتقول ان هي كانت في ملجا وسابته بس البنت جميله جدا تعرفي ان هي هتنفعنا في شغلنا قوي

سماح _ ماشي  قوم انت شوف شغلك يلا

مراد _ هو انتي برده مش عايزه تقوليلي انتي
ليه مش عايزه تقولي لمامتك ان انتي اللي تبعتي ليها الفلوس

سماح _ قولتلك الف مره يا مراد
بلاش تتدخل نفسك في حاجه انت ملكش 
دعوه بيها فاهم ولا لا

مراد قام وقف وقال _ اللي تؤمري بيه 
يحصل يا ست الكل وبعدها مشي 
وبدأت ندي تفتكر يوم ما كانت خارجه 
من اوضتها في بيت مامتها وماسكه جيبه 
وبتقول 
                    #فلاش باك

سماح  _ شايفه الجيبه عامله ازاي بجد انا زهقت
ان انا كل شويه اخيطها يا ماما بجد انا عايزه 
هدوم جديده

الام _ اجيب منين بس يا سماح  مانتي عارفه با حبيبتي البير وغطا

سماح  _ يوووو وانا ذنبي اي بقي شكلي 
بقي وحش وسط اصاحبي اووووف وبعدها 
رمت الجيبه ومشيت خرجت قابلت صاحبتها 
مريم

مريم _ مالك يا بنتي على الصبح هو انتي 
عالطول مكشره كده افرضي وشك شويه

سماح  _ بجد زهقت من الفقر اللي انا فيه 
ده مش عارفه اجيب هدوم عدله اقدر 
اخرج بيها

مريم _ قولتلك الحل وانتي اللي مش موافقه عليه يا بنتي اسمعي كلامي لو بس عملتي اللي قولتلك عليه هتقدري تجيبي كل اللبس اللي نفسك فيه