رواية ســ*م قــ*اتل
بدور: طيب حاضر 🥺
بقلمي ماهي احمد
عاصي: ( بنظره شر للدكتوره وهو وشه في وشها ) انتي هتحكيلي بقي كل حاجه من الاول للاخر ولو كذبتي في شىء هعرف ووقتها هدفنك مكانك
عاصي: ( وهو بيشاور براسه من فوق لتحت علي خفيف بنظره حاده وبنبره صوت واطيه ) انتي عرفاني صح.. انتي عارفه انا ممكن اعمل ايه
الدكتوره: ( بخوف والدموع في عنيها ) ايوه.. ايوه عارفه..
عاصي: طيب يلا انا سامعك
-----------------------( في نفس الوقت )----------------------------
( في شركه عاصي )
رفيق صاحب عاصي راح الشركه وبيسأل عنه
رفيق: ازيك يا احمد عامل ايه
احمد: زي ما انت شايف يا اذستاذ رفيق
رفيق: ايه يابني البؤوس اللي انت فيه ده انت مش المفروض هتبقي عريس كمان اسبوع من امال السكرتيره
احمد: للاسف يا اذستاذ رفيق كل شىء قسمه ونصيب
رفيق: ده حصل ازاي فهمني
احمد: مش عارف والله يا اذستاذ رفيق مره واحده قالت انها مش عايزاني وده احسن ليا وليها مع اننا كنا كويسين جدا مع بعض مره واحده بعدت عني وسابتني
رفيق: اكيد في سبب
احمد: والله من غير اسباب ده اللي حصل
رفيق: تحب ادخل اكلمهالك
احمد: للاسف سابت الشركه عشان مش عايزه تشوفني
رفيق: ولا يهمك ربنا مابيعملش حاجه الا وهي خير لينا
احمد: ونعم بالله يا اذستاذ رفيق
رفيق: قولي اديت الظرف اللي اديتهولك اخر مره لعاصي
احمد: ايوه اديتهوله
رفيق: طيب وفتحه ولا لسه
احمد: والله ما اعرف يارفيق بيه هو حطه علي المكتب ومن ساعتها ماجاش المكتب ومحدش يعرف عنه حاجه وبنتصل بي دايما مابيردش علينا
رفيق : ( قام ووقف وهو خايف علي عاصي ) ازاي الكلام ده بقاله قد ايه مابيجيش المكتب
احمد: بقاله اكتر من ٣ ايام والنهارده الرابع
رفيق: ( بقلق ) اكيد في حاجه عاصي لا يمكن يقعد الفتره دي كلها من غير ما ييجي المكتب الا وفيه حاجه اكيد
بقلمي ماهي احمد
مره واحده غالب جه وحط ايده علي كتف رفيق
غالب: مش تقول انك هنا ياراجل كده اسمع من الموظفين انك في الشركه عند احمد مدير الحسابات
رفيق: ( جه يقوم ويقف )
غالب: ( داس علي كتف رفيق اكتر بأيديه وقعده مخلهووش يقوم ) اقعد. اقعد خليك مرتاح
رفيق: انا.. انا.. كنت بسأل علي عاصي مش اكتر
غالب: طيب واللي يسأل عن عاصي يسأل الموظفين ولا يسأل ابن اخوه
رفيق: ولما ابن اخوه يبقي عارف ان عمه مختفي بقاله ٣ ايام ومايتحركش وهو عارف ما بيتحركش ليه.. يبقي مالهووش داعي السؤال
غالب: ( شاور لاحمد براسه انه يطلع بره )
احمد: ( قام وقف من علي المكتب ) طيب اذستأذن انا
احمد طلع وقفل الباب وراه
غالب قعد علي طرف المكتب وهو حاطط ايده علي كتف رفيق
غالب: ( وهو رافع حاجبه ) طيب ما انت عارف انا ما بسألش ليه ؟ ولا تحب افكرك
رفيق: الحكايه دي حصلت من خمس سنين كفايه بقي اللي بتعمله في عاصي كل ده
غالب: دلوقتي بقي كفايه ولما كنت بتقبض مني مكانش كفايه
رفيق: انا بعت صاحب عمرى مره ومش هبيعه التانيه
هعرفه علي كل اللي بيحصل من وراه هبعده عنك وعن شرك
غالب: ( بكل برود ) طيب والفيديوهات اللي معايا اللي تخلي عاصي نفسه يحطك بكل برود في السجن او يقتلك بدم بارد..( بضحكه سخريه وغمزله بعنيه ) سهله انت عارف عاصي يقدر يعمل ايه ؟
رفيق: ( بتوتر ) انا.. انا مايهمنيش اللي هتعمله فيا بعد كده خلاص.. انا المهم صاحب عمرى
غالب: دلوقتي بقي صاحب عمرك ولما كنت بتبيعه وبتقبض التمن مكانش صاحب عمرك
رفيق: انا غلطت ودلوقتي بدفع تمن غلطي
غالب: بعد ما عملت شركه والتانيه وبقيت رفيق بيه المعداوي جاي تقول غلطت
غالب: قام وقف من علي المكتب ولف ورا ضهر رفيق وبقي بيتكلم في ودنه بهمس
رفيق: طيب اسمع بقي ياروح امك انت يوم ما تتكلم بكلمه او حتي تقف ضدي وقتها قول عليك ولا عيلتك وبنتك الاموره بالذات يارحمن يارحيم
( غالب قام ورفع ضهره ورجع خطوات لورا ناحيه الباب )
شاور بصباعه علي رفيق
غالب: واعتبر الكلام اللي بقولهولك ده تهديد
(رفيق بصله كده وهو مش مصدق اللي غالب وصله )
رفيق: ايوه انا الشيطان😈😈
غالب قفل الباب وراه ومشي ورفيق قعد علي الكرسي وبقي يفتكر اللي حصل زمان من ١٣ سنه وقد اي كان غالب وقتها زي الملاك
