تصد-مت في اقرب الناس ليا

مشكله عضوة
انا عدى على جوازي اربع سنين جبت فيهم ابني اياد الله يبارك لي فيه وكان ابوه رزقه معقول بس الحمد لله مستورين،ولما الدنيا شدت علينا اوي جوزي جه وقالي

انه عايز يسافر وده الحل اللي وصله قولتله ليه ما شغلك هنا ماشي (ملحوظه هو شغال في قطاع حكومي بيقبض منه حلو ) قالي مش حينفع وانتي على وش ولاده في ابني التاني والمصاريف كده حتزيد قولتله طب وشغلك

قالي حقدم على اجازة بدون مرتب وحيسافر بلد خليجي وان شاء الله الحكايه تمشي،بس طالب منك طلب قولتله اؤمرني قالي حاخد جزء من دهبك ابيعه عشان اقدر اسافر بيه طبعا مفكرتش على طول طلعت الغوايش

بتاعتي بعتهم وفعلا جهز ورقه وسافر وهو دلوقتي بقاله سنه ونص مسافر وكل اما اساله على اجازته عشان ينزل يقولي لسه واساله انت عملت ايه في شغلك اللي هنا قالي ان واحد صاحبه بيخلصله كل حاجه كنت بسكت لغايه ما في يوم كان بيكلمنا انا والولاد فيديو كول عشان نطمن

عليه سمعت صوت صر-يخ طفل رضيع بقوله صوت مين العيل ده انت مش قاعد مع اتنين صحابك في سكن ايه الصوت ده قالي تلاقيه عندك انتي وانتي مش واخده بالك،الصراحه سكت بس قلبي قالي في حاجه وبقيت اتصل بيه في غير الاوقات اللي هو محددهالي كان

بيكنسل واجي بليل اقوله رنيت عليك كنت بتكنسل ليه يقولي انا مشفتش ولا رنه واقوله بعتلك رساله يقولي بردو مشفتهاش اقوله هو في حد غيرك بيمسك التلفون يقولي لا طبعا وسبيني في حالي مش كفايه الغربه عليه

ايه كل اسألتك دي الصراحه الشك دخل في قلبي انه اتجوز عليه وهو بره بس اللي اكتشفته كان اصعب،اني روحت لمكان شغله اقابل اي حد من صاحبه اوقعه في الكلام وافهم الدنيا ايه وكانت الم-صيبه