اخت زوجي مثالية

مشكله_عضوة
انا اخت جوزي بصراحه مثاليه جدا وفريده من نوعها هي مالهاش اب ولا ام جوزي بس واخت عايشه بره هي من يوم خطوبتي محترمه جدا معايا وتعتبر جوزي ابنها هي اكبر منه بعشر سنين وربته لانه الصغير ايام جوازي كل حاجه في بيتي هي ال جابتها من فلوسها واختارت.لي احسن جهاز

ولما اتخانقت مع جوزي علي نوع تلاجه معينه وحلف ماهايجيبها هي دفعت تمنها وجابتها وقالت له من حقها تعيش مع حاجه بتحبها وعلي مزاجها لانها ست البيت دفعت 18الف جنيه
كل هدايا خطوبتي دهب وهدوم هي ال كانت ال بتختارها

واتجوزت وجوزي علشان مايسيبهاش لوحدها لانها منفصله لعدم الانجاب قالها تعالي اقعدي معانا رفضت وجوزي قالها خلاص هنعيش معاكي هنا رحبت بينا ورغم اني كنت متضايقه اني موش هعيش ف بيتي الا انها حسستني ان البيت بيتي ودايما تقف في صفي لو حصل خلاف مع جوزي حتي لو انا غلطانه وتقولي احنا هنتحاسب عليكي يوم الله وانتي امانه عندي

اتعرضت انا وزوجي لمشكله كبيره وقعدنا خمس سنين بدون اطفال
وقفت جمبنا كتير ادويه وتحاليل وجابت لي نوع اعشاب وعسل علشان ربنا يكرمنا لحد ما ربنا اكرمني ببنتي ويوم ماعرفت اني حامل فرحت وقلبت الدنيا افراح وبجد اول مره اشوفها فرحانه من سنين

هقول الحق كانت معيشاني ملكه معاها كل انواع الحلويات والاكل والعصير وكل حاجه تجيبها لي وتقف تطبخ وتجيب لي الاكل وانا نايمه وتخدمني كانها امي والله واكتر وكل يوم تطبطب علي بطني وتقول امتي تيجي ياحب عمرى

لحد.ماولدت وجيبت بنتي وجوزي ظروفه الماديه علي قدنا دفعت لي في احسن مركز ولاده وهدايا وهدوم بنتي طول فتره الحمل رايحه جايه تجيب وترص في دولابها هي مانكرش انها جابت لبتي كل ال ماقدرش اجيبه بتخاف عليها وبتحبها كانها امها بس لاحظت انها بتدخل في كل شئون بنتي عمرها لاحق مااتدخلت في حياتنا ورغم اننا عايشين معاها هي ف حالها واي كلام لجوزي بتقوله توصيه عليا وتتخانق علشاني

بس تدخلها ف امور بنتي مضايقني البنت تعيط الاقيها تجرى وتاخدها وتلاعبها تسمح لي بس اخدها وقت الرض0اعه واغلب الوقت تقولي سيبيها لي وادخلي نامي

لو البنت تعبت لازم تشرف علي علاجها ده يصح وده مايصحش
كذا مره تردد كلمه ( انا بس لولا الرض0اعه كنت اخدتها معايا ورحنا كذا وكذا)
جارتي خوفتني قالت لي دي مريضه وهاتاخد بنتك منك وتحرمك منها

من كام يوم الدكتور وصف لبنتي دوا وهي قالت الدوا ده خطر عالبنت لازم نصبر شويه وبلاش نتسرع فيه هي اصللا دكتوره في كليه علاج طبيعي