انا اتجوزت راجل قالي انه منفصل عن مراته

# مشكلة عضوة

انا اتجوزت راجل قالي انه منفصل عن مراته ومافيش بينهم غير الاولاد وبس وكلمت مراته قبل الزواج اكدتلي كلامه واتجوزته قولتله كل حاجة عني وعن طباعي انا متعلمة وكنت بشتغل قبل لمدة ١٢سنة وعايشة ف مصر طلب مني اسافر معاه الصعيد بلده عشان شغله وحياته كلها ف الصعيد وهو وعدني انه مش هيزعلني ولا هيغصبني ع حاجة مش عايزاها سافرت معاه وبعد زواجنا بدأت المشاكل بدأت الزوجة الأولي بمطالبة زوجي ان يذهب إليها وان تأخذ حقوقها مثلي تماما وعندما

 رفض زوجي ذلك تركت البيت وسابت الأولاد وقمت انا بتربيتهم ٦شهور وخلال تلك الفترة تسسببت لي بمشاكل كتير منها انها ذهبت إلي الدج0الين وقامت بعمل الاعمال لكي تأذيني وفعلا أذي0تني اذي شديد وكمان اما عيالها كانوا بيرحوا يشوفها كانت بتصلتهم عليا يضر0بوني ويش0تموني وهو يقولي استحمليهم هي بتعمل كده عشان تمشيكي واما طلبت منه يطلقها ونخلص من المشاكل طالما هو مش عايزاها قالي لو طلقتها هترفع عليا قواضي وهتحبسني وبعدين راحت البيت اللي كانت قاعدة فيه خدت كل حاجة واخدت الأولاد وبرده رفض يطلقها وبعد كده اكتشفت انه خاني معاها مرتين …

بعد ماجيت معاه من مصر قبل ما تمشي وتسيب العيال واجهته وأعترف ووعدني انه هيطلقها وسامحته عشان كنت حامل ومش عايزة اخرب بيتي دلوقتي هي شغالة تعملي سح0ر وأعمال وانا تعبت خالص ومبقتش قادرة اتحمل وهو واقف بيتفرج وكل ما اشتكيله يوديني لشيخ ارتاح يومين وبعدين هي تجدد الس0حر واتعب تاني وبرده يقولي مش هينفع اطلقها ودلوقتي هي راحت رفعت عليه قضية بالقايمة والنفقة وهو راح الجلسة طلب الصلح بيقولي المحامي قالي كده عشان متحبسنيش

 اصبري وانا هاطلقها وبصراحة انا مش مصدقاه وتعبت من اللي بيحصل فيا بقالي سنتين في المشاكل دي معايا منه طفل عنده عشر شهور وربنا أراد بحمل تاني رغم اني كنت باخد وسيلة ودلوقتي حامل ف خمس شهور انا ماليش حد خالص لا اب ولا ام ولا اخوات وماعنديش مكان اروحه وبجد تعبت انا عايشة معاه ف أوضة تلتها حمام وتلتها مطبخ وتلتها بنام فيه في بيت ابوه طلبت منه يطلقني ويسبني عايشه فيها رفض طلبت منه يطلقني ويسبني ارجع مصر برده رافض وانا تعبت ومش قادرة اتحمل ومش عارفة اعمل ايه