خايف اكون انا السبب

- مشكلتي …
السلام عليكم ورحمة الله المشكلة ان واحد صاحبي خطب بنت واتجوزها بالفعل وانا مسافر شوفت صور الفرح على الفيس زي اي صاحب وباركتله عادي وكلمته تليفونيًا عشان اباركله

المهم في الموضوع ان البنت دي انا عارفها كويس جدًا هي من بلد جنبنا كنا بنروح البلد دي لواحد صاحبنا هناك وصحابنا ده كان ماشي معاها كان بيحكي كل حاجة عن علاقتهم ببعض والله حتى علامات معينه فيها وقعدو مع بعض فترة طويلة وبعدين سابو بعض كان موضوع تسالي مش اكتر كان بيحكيلنا

عشان موضوع تسليه وزينا زي كل الصحاب هما مع بعض بيحكو لبعض الحاجات دي المهم كنت زعلان على صاحبي التاني اللي اتجوزها وان حظه وقع فيها لأنه طيب ومحترم اوي طبعًا هي اكيد فهمته ان محدش لمسها ولا ليها ماضي مع حد فقررت اقوله على

كل حاجة وكمان على اسم الولد اللي كان ماشي معاها علشان لو عاوز يسأله ويتاكد منه براحته المهم اتصرفت ف رقم غير بتاعي في البلد اللي انا عايش فيها وبعت منه واتس قولتله كل التفاصيل اللي اعرفها عنها الموضوع ده كان في العيد اللي فات اتفاجئت امبارح انه

طلقها خلاص بس مش متأكد من الأسباب هل بسبب كلامي ده ولا لأ ومكسوف اسأله ليشك فيا لأنه عارف اني من البلد اللي فيها كود أتصال الرقم اللي كلمه دلوقتي بدأت اندم اني عملت كده لأنه لسه متجوزها من شهر يناير اللي فات مش عارف انا غلطان ولا صح اللي عملت بصراحة رغم اني مش متأكد من ان كلامي معاه هو السبب في الطلاق معرفش ولا لأ وهل انا صح ولا غلط ممكن اسمع رأيكم لو سمحتو.