قولولي اعمل ايه مع جوزي

السلام عليكم ورحمه الله وبركاته معلش ممكن تستحملوني شويه في اللي حقوله انا متزوجه من سبع سنين معايا بنت وولد، وزوجي كان شغال في مكان لتصليح السيارات المهم

ناس عملوا اسفيين فيه فخرج من المكان ده وقعد كام شهر كده مش شغال لغايه ما دخل عليه من مده كده قيمت

شهرين كده وقالي انه لقى مكان ذي الباكية كده حيقف فيها ويشتغل لحاله شجعته وقولتله وماله وانا ايدي بأيدك

،عشان انا موظفه وبشتغل وطلب مني اني اخد قرض من البنك عشان يجيب عده للمكان،وفعلا عملت كده واخدت قرض بضمان المرتب ولاقيته دخل عليه في يوم وقالي ان

الست اللي حتخلصله تراخيص المكان لازم لها هدية معتبره قولتله يعني عايز ايه قالي اجبلها برفان بس الاصلي وفعلا نزلت واشتريت لها البرفان اصلي معدي الالف وشويه،قولت

مش مشكله المهم ياخد المكان،المهم جيت في يوم ولاقتني بسأله ايه اخبار المكان وحتفتحه امتى بقى عشان الحال يمشي قالي قريبه وان شاء الله خير،طبعا انا كنت

عارفه المكان فين قولت اما اروح واشوف المكان روحت لاقيت المكان في الموقف والباكيات فعلا موجوده بس

تحسها مهجورة خالص مفيهاش حد،فبقول لجوزي انا روحت المكان اللي انت اخدت فيه الباكية لاقيته بس فاضي

قالي اه المكان اصله بعيد عن الناس وتحسه صحرا ومفيهوش حد،يعني انت مش واخد فيه قالي لا وبدور على

مكان تاني قولتله امال الفلوس راحت فين بتاعت القرض قالي معايا طب هاتها طا زعق معايا ووصل لغايه الضر،ب

والبهدله وقلب الموضوع عليه انه ازاي تروحي من ورايا المكان ولا تقوليلي ( قلب الترابيزة يعني عشان مسألهوش على الفلوس )

وانا دلوقتي مش عارفه اعمل ايه ولا اعرف الفلوس فين ولا الهدية بتاعت البرفان حصل فيها ايه والدنيا متلغبطه معايا خالص قولولي اعمل ايه بالله عليكم

دعاء الفرج 

يالله يالله اللهم يا سامع الصوت ويا سابق الفوت ويا كاسي العظام لحما بعد المoت ويا من اجاب نوح حين ناداه وكشف الضر عن ايوب في بلواه وسمع يعقوب في شكواه ورد إليه يوسف وأخاه وبرحمته ارتد بصيرا واعاد النور الى عيناه وليس بعزيز عليك وليس بعسير عليك ان ترزقني ( سمي حاجتك ) سبحانك لا اله الا انت يا ذا الجلال والاكرام يارب يا رب يا رب يامن نجيت محمد صلى الله عليه واله وسلم حين نسجت على الغار خيوط العنكبوت وأمنت يونس في بطن الحوت وحفظت موسى في اليم والتابوت ليس بعسير عليك ان ترزقني ( سمي حاجتك ) سبحانك لا اله الا انت يا ذا الجلال والاكرام يارب يارب يارب ياخالق السماوات والارض والليل والنهار والشمس والقمر والنجوم